Viktor Orban konsiderohet si fitues i zgjedhjeve parlamentare në Hungari, sipas sondazheve të fundit.
Rezultatet e para pritet të publikohen nga Zyra Kombëtare e Zgjedhjeve rreth orës 21:00.
Një sondazh i Median, nxjerr fitues koalicionin Fidesz-KDNP të Kryeministrit Viktor Orban, i cili mund të ketë 121 vende në parlament.
Sipas sondazhit, të porositur nga transmetuesi komercial RTL, Fidesz-KDNP pritet të marrë 49% të votave, ndërsa Të Bashkuar për Hungarinë pritet të marrë 41%.
Partia satirike, Partia Hungareze e Qenit me Dy bishta (MKKP) pritet të marrë 4.5%, dhe Partia nacionaliste e krahut të djathtë “Shtëpia jonë” (Mi Hazánk) gjithashtu parashikohet të marrë 4.5%.
Në Hungari, pragu për të hyrë në asamblenë kombëtare është 5%, që do të thotë se të dyja partitë mund të kenë një shans realist për të siguruar vende në parlament.
Median ka dhënë edhe një parashikim për ndarjen e mandateve parlamentare. Sipas sondazhit, Fidesz-KDNP pritet të fitojë 121 vende, United për Hungarinë do të marrë 77 vende dhe një vend i takon pakicës kombëtare.
