Me vetëm kampionatin e mbetur si objektiv, PSG rigjeti fitoren dhe entuziazmin. Yjet e Pochettinos sot shmangën një figure të keqe që do të përkeqësonte edhe më shumë gjërat teksa dominuan Lorient 5-1 dhe njeriu i ndeshjes padyshim që ishte Mbappe. Tre asiste dhe dy gola për “magjistarin” francez që mori prej dore ekipin në këtë sfidë.
Të gjithë yjet e ekipit shënuan, praktikisht edhe golin e miqve e dhuruan me një gabim të Di Marias por gjithsesi në “Parc de Princes” pati duartrokitje sot për ekipin.
Në pjesën e parë, Mbappe dhuroi një asist për Neymar që shënoi në 12’ për të shënuar edhe vet në 28’ në këtë fraksion loje.
Pjesa e dytë ishte nën kontroll por një gafë në mbrojtje u dhuron golin Lorient që shënojnë me Moffi. Pavarësisht se pësojnë, sërish Mbappe shënon në 67’ ndërsa në 73’ jep një asist për Messin duke mbyllur kështu dhe sfidën me rezultatin 4-1. Një fitore për të cilën kishin nevojë të gjithë, yjet dhe Pochettino.
