Dy ditë më parë rinovimi me Bruno Fernandes deri në 2026 me Man. United u prit mjaft mirë nga tifozët që duan të shikojnë sërish ekipin të fitojë trofe dhe një si portugezi është shumë i rëndësishëm në ekip.
Por paga prej 18 mln Euro neto në vit e fantazistit rëndon goxha në bilancin e “djajve të kuq” të cilët gjithsesi do të spastrojnë ekipin për të mundësuar dhe pagën e lartë të Fernandes por edhe të ndonjë prej goditjeve të mëdha që parashikohen në verë.
Keshtu i pari në listë për t’u larguar është Paul Pogba kontrata e të cilit nuk do te rinovohet edhe pse u ble për 100 mln euro në 2016 nga Juventus.
Edinson Cavani gjithashtu do të largohet duke lehtësuar më tej bilancin dhe bashkë me të edhe një veteran tjetër si Juan Mata.
Jo i parëndësishëm është edhe Jese Lingard, me fantazistin që gjithashtu mbaron kontratën dhe nuk do t’i rinovohet dhe të gjithë këta të përmendur së bashku kushtonin 50 mln euro në bilanc bruto me pagat e tyre.
