Man. City rimori vetëm 2 orë pas Liverpoolit kryesimin në Premier League. Të vënë nën presion nga skuadra e Klopp, Citizens u imponuan në fushën e Burnley me një fitore të pastër 2-0 e vendosur që në pjesën e parë.
Ishte fillimisht De Bruyne në minutën e 5’ që hapi rrugën e suksesit e më pas Gungogan në 25’ vulosi fitoren në një fushë të vështirë. Pjesa e dytë u menaxhua shumë mirë nga Citizens që largohen me 3 pikë që e rikthejnë në krye.
Në ndeshjen tjetër, Chelsea pësoi një humbje të rëndë. Në fakt mori një leksion nga Brentfor, ekipi i frymëzuar nga Christian Eriksen i cili arriti të shënonte dhe ishte ndër më të mirët në fushë. 4-1 ishte fitorja për miqtë që shokojnë kështu skuadrën e Tuchel në një moment shumë të rëndësishëm të sezonit.
