Erling Haaland do ta marrë vendimin për të ardhmen e tij në fundin e muajit prill. Manchester City dhe Real Madrid janë dy skuadrat favorite për të siguruar shërbimet e norvegjezit edhe pse PSG dhe Barcelona janë gjithashtu në garë.
Los Blancos, sipas Marca-s, duket se ka pak mundësi të sigurojë shërbimet e sulmuesit norvegjez. Një nga arsyet për këtë janë kërkesat marramendëse të bëra nga menaxheri Mino Raiola.
Drejtuesit e klubit madrilen nuk kanë dëshirë të bëjnë marrëveshje me super menaxherin dhe nuk janë shumë të kënaqur me kërkesat e tij. Arseyaj tjetër janë dëmtimet e shpeshta të lojtarit.
Për sa i takon vetë Haaland, duket se është më i ëtrhequr nga projekti i Pep Guardiola-s te Manchester City se sa të jetë në hijen e Mbappe në Spanjë.
Kjo sagë mund të ketë disa surpriza para se të marrë fund, por duket gjithnjë dhe më e mundur që Haaland do të luajë sezonin e ardhshëm në Premier League se sa në La Liga.
