Reperi Gjiko është akuzuar se ka mashtruar dhe përdhunuar një 15-vjeçare në korrik të vitit 2015.
Sipas aktakuzës reperi i ka premtuar të miturës se do ta bëj këngëtare dhe do ta angazhonte në videoklipe, gjithashtu se reperi e ka marrë të miturën në shtëpinë e tij, ku edhe i ka dhënë substanca narkotike. Më pas ai ka abuzuar seksualisht mbi të miturën.
Gjiko reagoi dhe tregoi se nuk i ka premtuar askujt karrierë dhe s’ka përdhunuar një të mitur, e aq më pak ta ketë droguar.
“Gjatë këtyre ditëve, unë dhe familja ime jemi duke u përballur me një të pa-vërtetë të sajuar. Unë nuk kam dhunuar askënd, e lëre me një 15-vjeçare.Nuk kam mashtruar dhe nuk kam premtuar karrierë, e as nuk i kam dhënë një të miture substanca narkotike. Familja ime është në rregull sepse e dinë që kjo gjë është e sajuar. Unë kam përgatitur dy paditë e para dhe besoj se drejtësia do të nxjerrë në pah pastërtinë time”, ka shkruar Gjiko.
Bashkëshortja e tij, moderatorja Elita Rudi ka zgjedhur të heshtë gjatë kësaj periudhe dhe nuk ka bërë asnjë postim në rrjetet sociale rreth kësaj çështjeje.
Sot ka publikuar një video me Gjikon ku shihen bashkë në makinë teksa i puth dorën. Në këtë mënyrë ajo ka treguar gjithë mbështetjen e saj për partnerin dhe se i shumëzon me zero të gjitha akuzat në drejtim të tij.
