Dinamo do të luajë kundër Egnatias, ndeshje e vlefshme për javën e 27-të të Superiores. Kjo sfidë do të zhvillohet në stadiumin “Elbasan Arena” dhe është mjaft e rëndësishme për të dy ekipet.
Klubi dinamovit ka njoftuar se kanë dalë në shitje biletat për këtë takim përmes një lajmërimi në kanalin zyrtar në facebook. 18-herë kampionët e vendit shkruanin:
“Kanë dalë në shitje biletat e ndeshjes FC DINAMO – FC Egnatia që luhet ditën e Shtunë në “Elbasan Arena”.
Të gjithë tifozët që dëshirojnë të jenë të pranishëm në mbështetje të skuadrës blu, biletat mund t’i sigurojnë pranë biletarisë së stadiumit “Selman Stërmasi” si dhe në Elbasan ditën e ndeshjes”.
Ndeshja Dinamo – Egnatia do të luhet në orën 16:45 dhe do të vendosë shumë për fatet e dy skuadrave.
