Më 6 prill në orën 17:00, është caktuar të zhvillohet Asambleja Kombëtare e Partisë Socialiste. Mbledhja do të zhvillohet online.
Në rendin e ditës do të miratohet dhe vendimi për thirrjen e Kongresit më 9 prill në Pallatin e Kongreseve.
Në një njoftim të Sekretarit të Përgjithshëm të PS Damian Gjiknurit, dërguar pjesëmarrësve, thuhet:
Ditën e mërkurë, datë 06.04.2022, ora 17:00, do të zhvillohet mbledhja online e Asamblesë Kombëtare të Partisë Socialiste.
Rendi i ditës së mbledhjes do të jetë:
- Miratimi i vendimit për thirrjen e Kongresit të Partisë, ditën e Shtunë, datë 09.04.2022, ora 11:00, në Pallatin e Kongreseve në Tiranë.
- Diskutimi dhe miratimi i Agjendës së punimeve të Kongresit.
- Miratimi i rendit të ditës së punimeve të Kongresit.
- Prezantimi i Statutit të ri të partisë që do ti paraqitet Kongresit për votim e miratim.
Ditën e hënë, datë 04.04.2022, do ju dërgohen materialet përkatëse të mbledhjes, ndërsa ditën e mërkurë në mëngjes do ju dërgohet linku përkatës për lidhjen online. Ju njoftojmë se ditën e mërkurë (06.04.2022), ora 17:00 do të zhvillohet mbledhja online e AK.
