Prokuroria e Elbasanit është duke hetuar ngjarjen, ku u përfshi Nuredin Dumani, që ishte ndër personat më të kërkuar në vend.
Sipas hetimeve të deritanishme, ka dyshime të forta se Dumani mund të jetë nxjerrë në pritë nga njerëz të tij të afërt.
Kjo është edhe pista kryesore që është duke hetuar edhe policia për momentin.
Po ashtu, hetimet sugjerojnë se atentatori ndaj Dumanit mund të mos ketë qenë Talo Çela, sikundër u pretendua fillimisht se mund të ketë ndodhur.
Dyshohet se mund të kenë qenë dy persona që mund ta kenë nxjerrë në pritë Nuredin Dumanin. Raportohet se Dumani ishte nisur që të ekzekutojë personin që do të takonte, por se ra vetë në pritë e u plagos.
Prokurori dhe gjykatësi i Elbasanit pritet që këtë të mërkurë të shkojnë në Spitalin e Traumës në Tiranë, që të komunikojnë masën e sigurisë ndaj Dumanit.
Nuredin Dumani do i nënshtrohet sot një ndërhyrjeje kirurgjikale, për shkak se ka marrë plagë nga plumbat në shtyllën kurrizore, që ia ka prekur edhe një anë të mushkërisë.
