Fjoralba Ponari dhe Arbana Osmani nuk kanë pasur përplasje ashtu sikurse u raportua kudo në media disa muaj më parë, gjatë transmetimit të “BBV”.
Thuhej se dy moderatoret kanë debatuar ashpër në ambientet e televizionit ku punojnë. E gjitha lidhej me takimin e Argjirës dhe Fjoralbës me konkurrenten Einxhel Shkira. Arbana akuzoi mikeshat e Einxhel se po ndikonin në lojën e saj me informacionet e dhëna gjatë takimit.
U tha se Fjoralba iu drejtua Arbanës duke i thënë se produksioni e veçanërisht ajo vetë duhet t’i kërkojnë falje për mungesë etike profesionale duke shtuar se “nuk i ka kthyer përgjigje vetëm për të mos i ulur prestigjin si zonjë shtëpie”, siç raportoi Kryefjala.
Së fundmi, një postim i Arbanës në rrjetet sociale ka treguar se ato nuk kanë debatuar ndonjëherë dhe kanë marrëdhënie te mira së bashku. Arbana ka publikuar në llogarinë e saj të “Instagram” një foto ku në ekran shfaqet Fjoralba.
“E bukur, trime, e patrembur”, ka shkruar Arbana duke etiketuar Fjoralbën. Kjo e fundit e ka rishpërndarë duke shkruar: “Të dërgoj përqafime”.
