Çmimet e naftës dhe benzinës janë ulur lehtë, sipas vendimit të fundit të bordit të posaçëm që cakton çmimin e tregtimit të karburantit.
Kështu, nga 245 lekë për litër, nafta do të shitet në pompa me 237 lekë/litri.
Benzina do të shitet me 211 lekë/litri, nga 218 lekë/litri që tregtohet aktualisht.
Ndërsa gazi do të kushtojë më shumë: 116 lekë/litri nga 110 lekë/litri që u caktua me vendimin e mëparshëm.
“Këto çmime reflektojnë ndryshimet që janë shfaqur në tregjet ndërkombëtare”, thuhet në një njoftim të bordit.
Çmimet janë në fuqi për periudhën 29 mars-31 mars 2022. Ditën e fundit të muajit, është parashikuar që bordi të mblidhet sërish për të përcaktuar çmime të reja.
/BN/
