Policia e Lushnjës njofton se një makinë ka përplasur një motor në afërsi të fshatit Stan Karbunarë.
Për pasojë, ka ndërruar jetë 50-vjeçari që drejtonte motorin.
Njoftimi i policisë:
Lushnjë/Informacion paraprak
Sot rreth orës 16:30, në fshatin Stan Karbunarë, Lushnjë, shtetasi A. V., 31 vjeç, banues në Berat, duke drejtuar automjetin tip “Benz” është përplasur me motomjetin me drejtues shtetasin T. Z., 50 vjeç, banues në Savër, i cili ka ndërruar jetë.
Grupi hetimor ndodhet në vendngjarje dhe po punon për zbardhjen e rrethanave të aksidentit.
