Një 28-vjeçar shqiptar u arrestua në qendër të Athinës, pasi u kap me mbi 30 kilogramë heroinë.
Policia e kryeqytetit grek u vu në lëvizje, pas informacioneve të marra se një grup merrej me shpërndarje të drogërave të forta.
Ai u vendos në pranga pas konfirmimit të informacionit mbi aktivitetin e tij të paligjshëm. Gjithashtu, policia greke bastisi edhe banesën e tij të marrë në me qira në Athinë, ku agjentët gjetën heroinë me peshë gjithsej 30 kg e 463 gram.
Heroina ishte e ndarë në 63 pako dhe ishin gati për t’u shitur.
Shqiptari u dërgua në Prokurorinë e Athinës, ku edhe pritet që prej andej, të përballet me drejtësinë e vendit fqinj.
