Tirana është në përgatitje për javën e 27 në Superligë. Bardheblutë kanë një sfidë të vështirë me Kukësin në transfertë. Dueli do zhvillohet të shtunë, me bardheblutë që kryesojnë tabelën e klasifikimit.
Të shkëputur me 13 pikë nga Laçi ndjekës, djemtë e Orges Shehit janë drejt titullit të 26-të kampion. Durrsaku i stolit ka 425 ditë në drejtimin e skuadrës, ndërsa ka lënë pas emra si Ardian Mema, Ilir Daja apo trajneri i fundit kampion, Emmanuel Egbo.
Sa i takon ditëve në krye të skuadrës, më shumë se Shehi është vetëm Gugash Magani, që me 532 ditë është trajneri më jetëgjatë i epokës Refik Halili te Tirana, njofton newsport.al.
Shehi u ul në stolin e Tiranës në 27 janar 2021, duke drejtuar skuadrën në 50 ndeshje, me mesatare 2.12 pikë për sfidë. Më herët 44 vjeçari ka drejtuar edhe Skënderbeun dhe Kukësin, ndërsa te Tirana regjistron statistikat më të mira.
Trajnerët e Tiranës në epokën “Halili”:
Gugash Magani – 532 ditë
Orges Shehi – 425 ditë
Ardian Mema – 377 ditë
Ilir Daja – 367 ditë
Emmanuel Egbo – 339 ditë
Mirel Josa – 228 ditë
Shkëlqim Muça (138), Ze Maria (116), Nevil Dede (73), Julian Ahmataj (44), Ivan Gvozdenovic (10)
