Të premten, autoritetet e Holandës zbuluan dhjetë emigrantë shqiptarë në një rimorkio kamioni në IJmuiden, duke përfshirë një grua shtatzënë.
Zbulimi doli në dritë gjatë një kontrolli të tragetit që do lundronte nga IJmuiden në Newcastle.
Disa shqiptarë kanë aplikuar për azil në Holandë. Të tjerët do kthehen në Shqipëri, raportuan mediat lokale.
Autoritetet po hetojnë rastin.
Një raport i fundit i Eurostat zbuloi se rreth 9 mijë shtetas shqiptarë aplikuan për azil në 27 vendet anëtare të Bashkimit Europian, gjatë vitit 2021. Sipas Eurostat, shqiptarët ishin të dytët pas turqve, me 16% të aplikimeve në total nga vendet e Europës.
