Forcat ruse po qëllojnë në një objekt kërkimor bërthamor në qytetin e Kharkiv, tha parlamenti ukrainas në një postim në Twitter të shtunën.
“Aktualisht është e pamundur të vlerësohet shkalla e dëmit për shkak të armiqësive që nuk ndalen në zonën e instalimit bërthamor,” tha Inspektorati Shtetëror Rregullator Bërthamor.
Faqja e internetit e inspektoratit nuk përmbante asnjë lajm për sulmin, shkruajnë mediat ndërkombëtare.
Në fillim të këtij muaji, terreni i Institutit të Fizikës dhe Teknologjisë u godit nga predha ruse. Në atë kohë, drejtori i përgjithshëm i objektit tha se bërthama e karburantit bërthamor mbeti e paprekur.
Kharkiv, qyteti i dytë më i madh i Ukrainës, ka parë disa nga bombardimet më të rënda që nga fillimi i konfliktit më 24 shkurt.
