Një lajm i trishtë u raportuar ditën e sotme. Ish-trajneri i Korabit dhe Shkëndijës së Tetovës, Bexhet Shehu u nda nga jeta.
Ka qenë gazetari sportive, Dëfrim Methasani, që nëpërmjet një postimi në faqen e tij zyrtare, ka bërë publik lajmin duke shprehur ngushëllimet për profesor Shehun, i cili la gjurmë në qytetin e Peshkopisë dhe në të gjithë qarkun e Dibrës.
Mbi 20 vite ai bëri me sukses trajnerin me Korabin në futboll, pa harruar që ngjiti nga kategoria inferiore në elitë Shkëndinë e Tetovës pas viteve 90-të.
