Presidenti i Serbisë, Aleksandër Vuçiç deklaroi se “po diskutojmë importin e naftës nga Lindja e Mesme nëpërmjet Durrësit”.
Vuçiç theksoi se tashmë është në bisedime me partnerë nga Lindja e Mesme për mundësinë që Serbia të importojë naftë prej tyre, si dhe të dërgohet në Serbi përmes portit shqiptar të Durrësit, raportojnë mediat serbe.
“Tashmë po flas me miqtë tanë nga Lindja e Mesme për të importuar naftë prej tyre dhe po kërkoj ku ta çoj. Mënyra më e mirë dhe më e lehtë është të shkosh në Durrës. Tani po shikojmë se si të organizojmë transportin nga Durrësi”, citohet Vuçiç nga radio-televizioni serb “RTS”.
Ai shtoi se Serbia duhet të importojë sasi të mëdha nafte çdo ditë.
