Një 23-vjeçar me inicialet H.K është arrestuar nga policia, pasi ka dyshime se ka vjedhur një shumë të parave në një makinë të parkuar në lagjen “Sheq i Madh” në Fier.
I riu dyshohet se ka vjedhur paratë në makinën e parkuar të shtetasit Dh.T, 28 vjeç.
Policia njofton se ka referuar materialet në Prokurorinë e Fierit, për akuzën e vjedhjes.
Njoftimii policisë:
Zbardhet dhe dokumentohet nga Komisariati i Policisë Fier, vjedhja e një shume të konsiderueshme parash, në një automjet.
Vihet në pranga autori i dyshuar.
Shërbimet e Komisariatit të Policisë Fier, në vijim të punës për parandalimin e vjedhjeve, zbardhjen e atyre të ndodhura më parë dhe vënien e autorëve para përgjegjësisë ligjore, pas kallëzimit të bërë nga shtetasi Dh. T., 28 vjeç, për vjedhjen e një shume parash në automjetin në përdorim të tij, kanë kryer veprimet hetimore për identifikimin dhe kapjen e autorit të dyshuar.
Si rezultat i punës hetimore, bazuar në provat ligjore të grumbulluara, u ndalua shtetasi H. K., 23 vjeç, banues në Tiranë, pasi dyshohet se ka vjedhur shumën e parave në automjetin në përdorim të shtetasit Dh. T., 28 vjeç, banues në Korçë, të cilin e kishte lënë të parkuar në lagjen “Sheq i Madh”, Fier.
