Ministrja e Arsimit, Evis Kushi tha gjatë një aktiviteti këtë të Enjte, se “ne i edukojmë nxënësit si të fitojnë në mënyrë të ndershme”.
“Duke edukuar nxënësit apo të rinjtë në aspektin financiar, ne ndihmojmë gjithë shoqërinë. Ne përmirësojmë mentalitetin dhe sjelljen që kemi ndaj parasë. Kjo nënkupton se ne nxënësit i edukojmë se si t’i shpenzojnë paratë por edhe si t’i kursejnë. Ne i edukojmë nxënësit si të fitojnë, por si të fitojmë në mënyrë të ndershme. Si të ngrenë një biznes, por si të ngrenë një biznes të ndershëm”, u shpreh Kushi.
