Këngëtari Ardian Bujupi dhe ish-konkurrentja e “Për’puthen” Jasmin Kadriu kanë qenë shumë të komentuar së fundmi në rrjet për një romancë të mundshme.
Pas deklaratave të paqarta të ish-konkurrentes së Për’Puthen që lanë vend për dyshim, ka ardhur një reagim edhe nga këngëtari. Burime të afërta me këngëtarin thanë për “Indeksonline” se artisti nuk është në një lidhje dashurie, duke mohuar lajmet që kanë qarkulluar gjatë këtyre ditëve.
“Jo, Ardiani nuk është në lidhje dashurie me Jasminën as me këdo tjetër. Ai është ‘single”, tha burimi duke shtuar se momente e nxheta mes dyshes kanë ndohur gjatë xhirimieve të klipit të tij.
Jasmina tha dy ditë më parë se ka vendosur që jetën e saj ta mbajë hermetike dhe mos të ndajë më detaje me publikun.
E pyetur nëse ka patur shkëndija mes saj dhe artistit në xhirimet e videoklipit, ajo tha: “Bashkëpunimi shkoi shumë këndshëm dhe shumë bukur. Kjo ka qenë hera e parë që e takova. Jam pyetur shpesh nëse jemi në lidhje. Duke qenë se kam dalë nga një emision dashurie e kam patur ‘të detyrueshme’ që jetën time private ta mbaja të hapur. Por tani kam vendosur që ta mbajë private. Dhe nuk dua të jap sqarime të mëtejshme. Ndoshta ka patur, e ndoshta jo shkëndija mes nesh. Kur dy persona takohen dhe nuk kanë komplekse krijohen gjithmonë mendime se mund të jenë në lidhje. Jemi të dy me botë të zgjeruara.”
