Zv.ministrja e Bujqësisë, Ermira Gjeçi tha se në tre bashkitë ku tashmë është konfirmuar Gripi i Shpendëve do të ketë kontrolle për të penguar tregtimin e shpendëve.
“Policia e shtetit, prefektët dhe kryetarët e bashkive janë në komunikim të ngushtë me ne për të ndaluar çdo tregtim të paligjshëm”, tha ajo.
Gjeçi shtoi se nuk ka asnjë rrezik si për mishin dhe vezët, që blihen në pikat e licensuara. Nëse gatuhen në temperatura më të larta se 70 gradë Celsius, nuk ka asnjë rrezik.
Rreth 340 mijë pula kanë ngordhur deri tani, ndërsa janë 120 mijë pula të infektuara që pritet të asgjësohen, ndërkohë që sëmundja është konfirmuar në Durrës, Divjakë, Dibër dhe në zonën e Prespës.
