Katër persona kanë mbetur të plagosur në një aksident të ndodhur në Dibër.
Nën drejtimin e një automjeti që ka dalë nga rruga, sipas policisë, ishte një 34-vjeçar i dehur.
Ai ka mbetur i plagosur bashkë me tre pasagjerët që ndodheshin në mjet – familjarë të tij.
“Nga specialistët e Seksionit të Trafikut Urban dhe Interurban në DVP Dibër, u arrestua në flagrancë shtetasi Dh.H., 34 vjeç, banues në Bulqizë, pasi duke drejtuar mjetin tip ‘Golf’, në gjendje të dehur, ka dalë nga rruga dhe për pasojë është dëmtuar vetë drejtuesi dhe tre pasagjer (familjarë të tij ) të cilët po marrin ndihmë mjekësore në spital jashtë rrezikut për jetën”, njoftoi policia.
