Legjenda e Argjentinës, Mario Kempes, ka dhënë mendimin e tij në lidhje me vështirësitë me të cilat po përballet Leo Messi te Paris Saint-Germain.
Messi u transferua te PSG nga Barcelona në merkaton e verës së kaluar pasi kontrata e tij me spanjollët skadoi dhe klubi katalanas e kishte ta pamundur ta rinovonte.
Argjentinasi nuk ka shkëlqyer në Paris dhe, pavarësisht kryesimit në Ligue 1, sezoni mund të konsiderohet zhgënjyes pas eliminimit në 1/8-at e Champions League kundër Real Madrid.
Mediat franceze dhe jo vetëm kanë shkruar se argjentinasi nuk ndihet i lumtur në Paris dhe se ka dëshirë të kthehet në Camp Nou, që e konsideron si shtëpinë e tij.
“Nëse Messi ndihet i lodhur te PSG, ai duhet ta zgjidhë situatën e tij dhe të vendosë çfarë do të bëj”, ka thënë Kempes për Diario Sport.
“Ka një kontratë të gjatë me Parisin. Nuk e di nëse Barcelona do ta priste me krahët hapur sepse ai u larguar në një mënyrë të papritur dhe do të kthehej në një mënyrë po aq të papritur. Është e komplikuar.
“Në Barcelonë ishte një mbret, ndërsa në Paris nuk është aq i lumtur sa te Barça. Ai është akoma mbreti i botës, ajo që po ndodh tani ka të bëjë me rezultatet negative dhe kjo ndikon tek ai. Nuk besoj se Messi do të zgjasë shumë te PSG nëse gjërat vazhdojnë kështu.
“Shikoj fytyrën e Messi-t dhe jam i shqetësuar. Jo sepse ka veshur fanellën e PSG-së, por për atë që mund të bëjë me kombëtaren e Argjentinës.
“Nuk më intereson nëse fiton ose humb me Parisin, ose nëse luan për Barcelona-n ose Real-in, as që më pals fare. E vetmja gjë që dua është që të jetë në 200% për Argjentinën. Dua që të jetë në formën më të mirë të mundshme”.
Messi, i cili ka shënuar 80 gola në 158 ndeshje me kombëtaren, është grumbulluar me Alibiceleste-n për ndeshjet kualifikuese për Kupën e Botës kundër Venezuelës dhe Ekuadorit.
Kempes ka luajtur për Argjentinën mes 1973-shit dhe 1982-shit dhe ka qenë një lojtar kyç në fitoren e Kupës së Botës në 1987-ën.
