Bordi i posaçëm i krijuar për caktimin e çmimit të karburantit, ka vendosur rritjen e çmimit të naftës.
Në mbledhjen e sotme është vendosur që nafta të shitet 233 Lekë për Litër në pompa. Sipas vendimit të mëparshëm të bordit, 1 Litër naftë, tregtohet me 221 Lekë/Litri.
Nga ana tjetër, benzina do të rritet nga 211 Lekë/Litri, në 218 Lekë/Litri.
Çmimi i gazit mbetet i pandryshuar – 93 Lekë/Litri.
Sipas bordit, “çmimet reflektojnë rritjen në bursë të naftës dhe benzinës, ku me konkretisht: nga data 16- 22 mars çmimi i naftës u rrit me 231 usd/ton dhe i benzinës me 113 usd/ton për të njëjtën periudhë”.
Çmimet e caktuara nga do të jenë të vlefshme për periudhën 23-25 mars 2022. Më 25 Mars, do të zhvillohet mbledhja e radhës e bordit.
