Në seancën e nesërme plenare është parashikuar një debat 3 orësh, i kërkuar nga deputetët e selisë së PD-së lidhur me rritjen e çmimeve dhe masat e Qeverisë.
Por duket se Kryeministri Edi Rama ia ka deleguar debatin ministrave pasi vetë nuk do të jetë në seancë.
Kryeministri do të jetë nesër në Bruksel, për të marrë pjesë në Samitin e Jashtëzakonshëm të NATO-së, që mblidhet për situatën në Ukrainë.
Partia Demokratike i ka vlerësuar masat anti-krizë të qeverisë të pamjaftueshme. Sipas selisë blu Paketa Sociale e Qeverisë është një lëmosh dhe nuk ndihmon sa duhet shtresat më të prekura nga kriza.
