Ish-kryetarja e Kuvendit Jozefina Topalli e ftuar në “Opinion”, deklaroi se nuk hyn tek njerëzit që mendojnë se bashkimi mekanik do të sjell ndryshimin. Topalli tha se, së pari duhet të ketë një analizë të thellë dhe të sinqertë dhe të pyesin veten se ku ishin gjatë këtyre viteve.
” Kjo forcë politike ka kaluar në degradim dhe kjo ka ardhur për një periudhë ku shumica e atyre që rrethonin Lulzim Bashën heshtnin. Tani secila ka nevojë të bëjë mea culpa dhe të distancohen nga fenomeni i zhdukjes së opozitarizmit. Duhet të rikthehet vota dhe pa votë nuk rikthehet legjitimiteti i munguar në këtë parti.
Në proceset e votimit për kryetar ka pasur gjithmon manipulim. Në 2021 ka qenë turp heshtja pas humbjes së pestë të Bashës. Secili duhet të bëjë një katarsis në vetvete për të qenë i besueshëm. Po ktheve pushtetin moral dhe besimin opozitën s’ka gjë që e ndal”, tha Topalli.
Më tej ajo deklaroi se Basha u largua dhe nuk është dorëhequr.
