Deputeti Enkelejd Alibeaj mund të jetë një rast i rrallë në politikë, jo vetëm atë shqiptare por në të gjitha demokracitë, pasi mban plot 8 funksione, në 6 prej të cilave është i komanduar.
Alibeaj ishte një nga deputetët besnikë të Lulzim Bashës në përballjet me ish-Kryeministrin Sali Berisha. Pas 6 marsit, gjithashtu ai mbajti një pozicion pothuajse neutral, megjithëse në favor të Bashës, kur nga shumica e grupit parlamentar të PD, i kërkohej dorëheqja nga posti i Kryetarit, edhe pse për pjesën tjetër të demokratëve ishte shkarkuar nga Kuvendi Kombëtar i 11 dhjetorit.
Pas zgjedhjeve të 25 prillit, Alibeaj ishte deputet, por zhvillimet e mëpasshme në PD dhe përplasjet me Berishën, bënë që ai të komandohej në disa funksione, deri sa më 21 mars, me propozim të Gazment Bardhit, u komandua edhe Kryetar i PD, pas dorëheqjes së Lulzim Bashës.
Ky i fundit e komandoi pak kohë më parë si drejtues të degës së PD në Vlorë, më pas e komandoi si drejtues Qarku në Fier dhe në Shkodër, por edhe si Kryetar të Grupit parlamentar dhe nënkryetar të PD.
Funksionet e Enkelejd Alibeaj në PD:
Kryetar i komanduar
Nënkryetar i komanduar
Deputet
Anëtar i Kryesisë
Kryetar i Grupit Parlamentar i koomanduar
Drejtues politik i qarkut të Fierit i komanduar
Drejtues politik i qarkut të Shkodrës i komanduar
Kryetar i PD në Vlorë i komanduar
