Ish-deputetja Rudina Hajdari e konsideron si një mundësi të mirë për ta rikthyer PD në misionin e saj fillestar, si mbartëse të shpresës së shqiptarëve, largimin e Lulzim Bashës si kryetar, edhe pse ky i fundit konsiderohet i shkarkuar nga Komisioni i Rithemelimit prej 11 dhjetorit 2021.
Ish-deputetja shprehet se PD nuk duhet të përdoret për interesat personale apo familjare të askujt.
“Por që kjo të ndodhë duhet që çdokush, nga anëtari më i thjeshtë e mbi të gjitha drejtuesit e saj aktualë, në Parlament e jashtë tij, të heqin dorë nga zakoni i përdorimit të PD në funksion të interesit personal apo familjar.
PD do të reflektojë shpresë vetëm nëse rivihet jo në funksion të një njeriu por në funksion të shoqërisë”, shkruan Hajdari.
