Deputeti demokrat Belind Këlliçi u shpreh mbrëmjen e sotme në Opinion se e vetmja mënyrë për tu bashkuar është që të gjitha palët të vijnë në Kuvendin Kombëtar të 30 prillit, përfshiedhe kritikët, dhe të shkojmë drejt një procesi zgjedhor normal dhe të ndershëm.
Këlliçi tha se mënyrë tjetër për realizimin e bashkimit nuk ka, pasi deklaratat apo kushtet me përjashtim, nuk çojnë në bashkim.
“Nuk ka kuptim të vendosi minoranca kushte dhe pastaj të thotë bashkohemi. Edhe Basha të garojë, edhe Berisha, edhe cilido tjetër që kërkon të kandidojë, pasi do jetë një garë e hapur”, tha Këlliçi.
Lidhur me atë se kur Komisioni i Rithemelimit do të shkojë në selinë e PD, ai tha se fillimisht duhet të hiqen blindat, dyert e blinduara nga selia, dhe më pas të bëhet transparencë se si është kthyer ajo seli.
