E ftuar në A Show në SYRI TV me Adi Krastën, Rezarta Caushaj, ka folur për reagimin e policisë në protestat e fundit për rritjen e çmimeve dhe dhunën e ushtruar në mënyrë jo porpocionale nga ana e tyre.
Caushaj ka theksuar se policia ka ngritur një akuzë të paqënë për protestuesit pasi i akuzon për protestë të paligjshme në një moment që ky si ligj është rrëzuar nga Gjykata Kushtetuese dhe nuk ekziston më as si koncept.
Krasta: Kishe bërë një reagim në lidhje me sjelljen policore ndaj protestuesve të protestave të fundit. Nuk mu duk vetëm një mllef personal krejt i justifikueshëm por vura re se kishe dy apo tre lloje informacionesh të rëndisshme në raport me këtë. A ka një mungesë ndjeshmërie në Shqipëri në raport me këtë ngjarje?
Caushaj: Ne kemi denoncuar edhe në të kaluarën dhe në këtë protestë, sjelljen jo korrekte, ndalimin e paligjshëm dhe dhunën jo porpocionale që ka përdorur policia ndaj protestuesve. Mbase pupliku pretendon se ne jemi palë në këtë konflikt është i drejtë dhe ndoshta nuk jemi dhe objektiv në momentin e denoncimit dhe ajo që nuk pasqyrohet në media apo shumë pak është se cila ka qënë vazhdimësia e këtyre rasteve procedimeve të policisë. Nuk ka vetëm denoncime nga ana jonë por ka edhe organizata të pavarura të cilat monitorojnë zbatimin e të drejtave të njerëzve ne vend dhe kanë raporte në çdo rast por këto raporte i shoh shumë pak të pasqyruara në media. Në rastin e fundit kemi edhe raportin e Helsinkit në lidhje me këtë rast pasi ishin edhe vetë në këtë protestë.
Një nga gjërat që kemi denoncuar është fakti se policia ka ngritur një akuzë që nuk ekziston pasi akuzohemi për protesta të paligjshme por kjo nuk ekziston më as si koncept që prej vitit 2021 ku Gjykata Kushtetuese rrëzoi ligjin 262 që sanksiononte që protesta është e ligjshme në momentin që i merret leje policisë por edhe kjo binte ndesh me liritë e tubimeve qytetare.
