Ish-deputeti demokrat Genc Pollo, përmes një postimi në rrjetet sociale, shkruan se njoftimi për dorëheqjen e Lulzim Bashës, është një lajm i mirë për demokratët dhe demokracinë.
Pollo shkruan se largimi i Bashës nga zyra në respekt të rregullave e sidomos në respekt të shumicës në parti dhe në elektorat, do e unifikonte plotësisht Partinë Demokratike rreth organeve të legjitimuara.
“Një lajm i mirë sot për demokratët e për demokracinë do të kishte qenë largimi nga zyra në respekt të rregullave e sidomos në respekt të shumicës në parti dhe në elektorat.
Kjo do e unifikonte plotësisht Partinë Demokratike rreth organeve të legjitimuara.
Lojrat me “hapa pas” e me dorëheqje me kushte e me trille” janë vazhdim me mjete të tjera i refuzimit të parimeve demokratike që kemi parë nga viti i shkuar.
Në këto kushte deputetët demokratë lipset të bashkohen të tërë rreth Partisë Demokratike reale, legjitime dhe elektorale”, shkruan Pollo.
