Komisioni i Rithemelimit, përmes Zëdhënëses Floriana Garo, shprehet se akti i fundit i Lulzim Bashes, i shkarkuar me votën e 4446 delegatëve në Kuvendin historik të Partise Demokratike të dates 11 dhjetor 2021, dhe me votën e 44 mije anëtarëve të PD-së në referendumin e 18 dhjetorit, shënon largimin e tij të zvarritur pa fund, pa asnjë lloj argumentimi dhe asnjë marrje pergjegjësie.
“Me gjithe këtë, kjo është një mundësi e mirë për të bashkuar demokratët përmes institucionit të votës së lirë. Tani nuk është koha për të nxjerrë “ultimatume” apo deklarata të pavotuara nga të emëruarit e të shkarkuarve”, theksohet në deklaratë.
Në vijim Komisioni i Rithemelimit thotë se të emëruarit e vulës, të shkarkuar nga Kuvendi i 11 dhjetorit 2021, po kërkojnë të luajnë me bllofin duke besuar se mund të mbajnë peng simbolet e PD-së e duke vënë kushte sipas filozofisë së të dorëhequrit apo nga të emeruarit e tij në PD-në e Vulës.
“Tani nuk është koha për thellimin e përçarjes, por për fillimin e një procesi të hapur, të sinqertë dhe përbashkues i cili sigurisht kalon vetëm përmes votës së lirë të demokratëve”, thuhet në deklaratë
