Një aksident i rëndë ka ndodhur në Kosovë, ku për pasojë 18 persona janë plagosur.
Lajmi është konfirmuar nga zëdhënësi i policisë, që ka thënë se në këtë aksident janë përfshirë katër automjete.
Të lënduarit, sipas njoftimit të policisë, janë dërguar në Spitalin e Pejës, për të marrë ndihmën e duhur mjekësore.
“Sot rreth orës 19:05 në fshatin Grabanicë të Klinës, ka ndodhur një aksident trafiku në mes katër veturave ku si pasojë 18 persona kanë marrë lëndime trupore. Të lënduarit janë dërguar me autoambulanca e disa të tjerë edhe me vetura private për në spitalin rajonal të Pejës”, ka thënë policia për mediat në Kosovë.
