Presidenti Ilir Meta ka shprehur mbështetje dhe solidaritet për kërkesat e prindërve, që kanë fëmijë me sindromën Daun.
Me anë të një postimi në rrjetet sociale, Meta ka shpërndarë marshimin e sotëm në Tiranë, e iu ka bërë thirre institucioneve shtetërore të dëgjojnë me përulësi kërkesat e kësaj kategorie në nevojë.
Postimi i presidentit Ilir Meta:
“Solidarizohem dhe mbështes plotësisht kërkesat e drejta të prindërve dhe edukatorëve të përkushtuar të fëmijëve me sindromën Doën, që marshuan sot në Tiranë, për më shumë ndërgjegjësim, mbështetje dhe shërbime cilësore.
Nxis institucionet përgjegjëse shtetërore të dëgjojnë me përulësi kërkesat e tyre të drejta dhe të reflektojnë me përgjegjësi për më shumë solidaritet, dashuri dhe ndihmë të pakufishme në përkrahje të fëmijëve me sindromën Doën, për t’i ndihmuar fuqimisht për të zhvilluar potencialet drejt një jete të pavarur e të mirë-integruar”
