“El Barça vuelve, el Real se va”, ose “Barcelona kthehet, Real Madridi largohet”. Ky është titulli i AS në menjëherë pas ndeshjes së El Clasico, i dominuar nga skuadra e Xavit ndaj asaj të Ancelottit, i cili megjithatë mbetet i pari në renditje dhe e ka ne dore fatin e tij. Shumë Barça për këtë Real, i cili pa Karim Benzema luftoi për të gjetur rrugën e golit por pa sukses…
Leksion futbolli në Santiago Bernabeu, ku një Barcelonë luksoze shkatërron Real Madridin e Carlo Ancelottit, i mundur në çdo kuptim nga Blaugranët, të cilët triumfojnë me një rezultat te thelle 0-4.
Dy gola per pjese për skuadrën e Xavi-t, që dymbëdhjetë vjet pas dorëzimit të Guardiolës te Mourinho, shpalosën një paraqitje të jashtëzakonshme ndaj një Reali të pambrojtur dhe që pa Karim Benzema nuk mund “të gudulisë” as mbrojtjen Blaugrana.
Renditja vazhdon t’u buzëqeshë blancos, të cilët mbeten ende +9 nga Sevilla e vendit të dytë dhe 12 pikë nga ekipi i Xavit, i cili megjithatë këtë mbrëmje i dërgoi një mesazh të qartë Ancelottit: nëse nuk është për këtë vit, do të jetë per tjetrin.. Por Barcelona është kthyer!
“Mund te shenonim me shume gola”, ishte komenti i Busqutes pas ndeshjes, ndersa menjehere ndjek postimi i Pique ne rrjetin social Twitter. Ai shkruan “Jemi kthyer”. Xavi Hernández është trajneri i tretë i Barcelonës që fiton ndeshjen e tij të parë në El Clasico me 4+ gola në historinë e La Ligës, pas Ferdinand Daučík në 1951 (7-2 në Les Corts) dhe Helenio Herrera në 1959 (4-0 në Camp Nou).
Pierre-Emerick Aubameyang i FC Barcelona është lojtari i parë që është përfshirë drejtpërdrejt në tre gola në paraqitjen e tij të parë në El Cásico në të gjitha garat në shekullin e 21-të (dy gola dhe një asist).
