Është mbyllur java e 14-të e Superligës në basketboll për meshkuj. Tirana vijon të kryesojë renditjen pas fitores 94-64 arritur ndaj Kamza Basket, ndeshje e dominuar dhe fituar me meritë nga bardheblutë. Më i miri për Tiranën ishte Vogli me 22 pikë.
Fitore të vështirë korri Teuta, që në fushën e saj mposhti në sekondat e fundit 68-65 Partizanin. Ndeshje e hapur deri në fund, ku diferencën e bëri kolektiviteti i ekipit durrsak.
Fitore surprizë korri Dinamo, që mposhti në kryeqytet Vllazninë me rezultatin 92-88. Për “blutë” u dallua Gjyzeli me 38 pikë, lojtari më i mirë ëpr dinamovitët në këtë sfidë.
Superliga-Meshkuj, java e 14-të
Tirana – Kamza Basket, 94-64
Teuta – Partizani, 68-65
Dinamo – Vllaznia, 92-88
Renditja: Tirana 23 pikë, Teuta 22 pikë, Kamza Basket 21 pikë, Vllaznia 20 pikë, Partizani 17 pikë, Dinamo 17 pikë.
