Pas dhunës policore për të shpërndarë protestuesit kanë reaguar për mediat disa nga organizatorët. Ata e kanë konsideruar të paligjshme ndërhurjen e policisë dhe kanë premtuar se do të ndërmarrin hapa ligjor kundër efektivëve që sipas tyre kanë shkelur ligjin.
Pano Soko tha se do të kërkojnë edhe dëmshpërblim që sipas tij mund të shkojë derinë 2 milion lekë.
“Ne kemi menduar të ngremë një grup avokatësh. Dhe do tu drejtohemi institucioneve. Do të shkojmë në Gjykata dhe do të kërkojmë dëmshpërblim. Sepse polici nuk funksionon me urdhër si ushtria, funksionon me zbatimin e ligjit, kështu që ligjin e njohin mirë. Dëmshpërblim për dëm psikologjik, moral, për të gjitha. Ligji thotë që mund të marrësh deri në 2 milionë për këtë gjë, aq do marrim nga çdo polic. Se këta s’kanë as numra, do shkojmë në gjyq dhe do ua tregojmë me fytyra të gjithë edhe gjykatës, edhe drejtorit. I kemi me foto.”
Në vendimin e gjykatës Kushtetuse, çdo protestues mund të zgjedhë të protestojë në zonën ku ai person vetë dëshiron. Është e padëgjuar në botë, por ne nuk na bën më përshtypje. Unë së bashku me grupin do të marrim të gjitha rrugët ligjore për t’i shkuar deri në fund kësaj punë jo vetëm me deklarata dhe interviste. Ne kemi marrë leje për 24 orë në protestë. Pra deri në 11:00 të ditës tjetër. Më pas do grupi i protestuesve do të marrë një vendim. Gjersa nuk ka një reagim nga kryeministri, protesta do vazhdojë.
“Protesta në vetvete erdhi si formë e reagimit të një shoqërie që po vuan ekonomikisht. Jam dakord që jo të gjithë kanë mundësi të protestojnë por të paktën ata që kanë le të vijnë. Shikoni çfarë ndodhi me çmimin e naftës, sapo filloi protesta filloi të disiplinohej. Ende nuk ka shkuar aty ku duhet.
Kërkojmë që koston e kësaj krize ta ndajmë bashkë jo vetëm qytetarët. Sepse qeveria ka rritur të ardhurat. Pra qeveria po del me fitim nga kriza.”
