Një protestuese ka kërkuar që në Shqipëri të përmirësohen kushtet e jetesës. E ndodhur në shesh para Kryeministrisë, qytetarja tha se sot, pas nëntë vitesh qeverisje, kryeministri Edi Rama nuk ka më alibi e justifikime.
Ajo tha se nuk do t’ia dijë fare për arkën e shtetit në momentin që shesheve protestohet ende për një jetesë minimale.
“Mua nuk më intereson më fare se si është arka e shtetit. Kryeministri është në vitin e tij të nëntë të qeverisjes dhe nuk ka më alibi. Jemi në një situatë që pretendojmë të futemi në Evropë, por po protestojmë akoma për pagat minimale e për një jetesë minimale,”- tha protestuesja.
