Një emigrant ka udhëtuar nga Londra për në Tiranë për të protestuar para kryeministrisë sot për të kërkuar qeverisë të marrë masa për të ulur çmimet dhe plotësuar kërkesat. Nëse jo atëherë të largohet.
“A mendoni se ne jemi turpi? Edhe komisioni europian e ka pranuar se protestat janë të ligjshme. Rama të mbajë turpin. Nuk po kërkojmë as post dhe as mandat deputeti. Por po protestojmë për bukën e gojës. Nuk është fushatë elektorale. Këta janë munduar të na ndajnë në të majtë dhe të djathtë, por atdheu im nuk është partia por Shqipëria”
Ai i bëri thirrje dhe të harrojnë partitë, të ngrenë zërin. Gjithashtu nëse qeveria nuk I dëgjon atëherë të përgatiten për valën e revoltave.
Protestuesve po u bëhet thirrje për rezistencë të qëndrojnë aty gjatë gjithë natës. Një pjesë e tyre është ulur këmbëkryq në shesh.
