Charles Leclerc me Ferrari siguroi sot pasdite “pole position” në pistën e Sakhir, në provat zyrtare të vlefshme për garën e Çmimit të Madh të Bahrein në Formula 1. Piloti monegask dha kohën 1’30”558, duke qenë më i shpejti në pistë. Për Leclerc ky është “pole” nr.8 në karrierë.
Në vendin e dytë, më +123 të mijëtat u rendit kampioni i botës në fuqi, Max Verstappen me Red Bull. Ndërsa në vendin e tretë u klasifikua makina tjetër Ferrari, ajo e spanjollit Carlos Sainz. Pra, “kokëkuqja” rilkthehet protagoniste, duke qenë e shpejtë me rregullat e reja.
Më pas u klasifikua meksikani Sergio Perez me Red Bull e pas tij britaniku Lewis Hamilton me Mercedes, i pesti, më shumë se gjysmë sekondi i avashtë krahasuar me Leclerc. Ndërsa makina tjetër Mercedes, ajo e George Russell, u rendit në vendin e nëntë, larg më të mirëve.
Këto ishin provat e para zyrtare të këtij viti në Formula 1, që konfirmuan rritjen e madhe që ka bërë makina italiane si dhe vështirësitë që ka Mercedes, ende jo e shpejtë. Probleme pati edhe makina McLaren, jashtë “top-10”, ndërsa mirë u paraqit makina Haas si dhe Alonso me Alpine.
https://twitter.com/F1/status/1505213244176220164?ref_src=twsrc%5Etfw%7Ctwcamp%5Etweetembed%7Ctwterm%5E1505213244176220164%7Ctwgr%5E%7Ctwcon%5Es1_&ref_url=https%3A%2F%2Ftelesport.al%2Fferrari-rikthehet-protagonist-leclerc-siguron-pole-position-ne-bahrein%2F
