Një aksident i rëndë automobilistik ka ndodhur këtë pasdite në Përmet, ku një i ri ka humbur jetën.
Ngjarja ndodhi në fshatin Varibob, ku një i ri, 30 vjeç, duke ecur me makinë, ka dalë nga rruga.
Për pasojë ndërroi jetë shoferi dhe u plagos pasagjeri, një 22-vjeçar.
Njoftimi i policisë:
Përmet/Informacion paraprak.
Në aksin rrugor Tepelenë-Përmet, në afërsi të fshatit “Varibop”, automjeti tip “Benz”, me drejtues shtetsin Sh. Ç., 30 vjeç, banues në fshatin Seniçan, Përmet, ka dalë nga rruga.
Për pasojë ka ndërruar jetë drejtuesi i automjetit shtetasi Sh. Ç, si dhe është dëmtuar shtetasi A. Ç., 22 vjeç, banues në fshatin Seniçan, Përmet, i cili është transportuar në spitalin Rajonal Gjirokastër për të marrë ndihmën mjekësore.
Në vendngjarje ndodhet grupi hetimor dhe po punon për zbardhjen e shkaqeve të aksidentit.
