Forcat ruse “mbeten kryesisht të bllokuara në të gjithë Ukrainën, por kanë rreth 90% të fuqisë së tyre luftarake të mbledhur ende në dispozicion”, thotë një zyrtar i lartë i mbrojtjes amerikane, shkruan BBC të premten.
Në një deklaratë, zyrtari thotë se forcat ruse nuk kanë bërë “përparime të rëndësishme” drejt Kievit në veri apo veriperëndim dhe nuk ka “asnjë lëvizje të forcave ruse” në lindje të kryeqytetit.
Zyrtari tregon për “rezistencë të madhe nga ukrainasit”, por thonë se qyteti jugor i rrethuar Mariupol “mbetet i izoluar”.
“Ne vazhdojmë të shohim bombardime të forta atje. Ukrainasit po mbrojnë qytetin”.
Më shumë se 1080 raketa ruse janë lëshuar që nga fillimi i luftës, thotë zyrtari amerikan.
Deklarata thotë se raportet për sulmet me raketa në afërsi të Aeroportit Ndërkombëtar Lviv “duken të jenë të sakta” – por shkalla e ndonjë dëmi nuk dihet.
