Ish-guvernatori i Kalifornisë, aktori i famshëm Arnold Schwarzenegger në një video të postuar në mediat sociale, i ka kërkuar popullit rus që t’i rezistojnë dezinformatave të vendit të tyre ndërsa pushtimi shkatërrues i Ukrainës vazhdon.
Schwarzenegger tha se ai “po dërgonte këtë mesazh përmes kanaleve të ndryshme” për qytetarët dhe ushtarët rusë dhe shpresonte se mesazhi i tij për mizoritë e kryera nga Putin do të shpërndahet masivisht.
“Ukraina nuk e filloi këtë luftë. As nacionalistët apo nazistët. Ata që janë në pushtet në Kremlin e filluan këtë luftë.
Presidenti rus Vladimir Putin dhe zyrtarët e qeverisë kanë bërë akuza të rreme ndaj Ukrainës si motivet e tyre për pushtimin, duke folur pa baza se vendi duhet të “denazizohet”. Ka gjëra që po ndodhin në botë që nuk po ju tregohen, gjëra të tmerrshme për të cilat duhet të dini.
Unë e di që populli rus nuk është i vetëdijshëm se gjëra të tilla po ndodhin, kështu që unë i bëj thirrje popullit rus dhe ushtarëve rusë në Ukrainë që të kuptojnë propagandën dhe dezinformatat që po ju thonë. Unë ju kërkoj të më ndihmoni të përhap të vërtetën.”-tha Schwarzenegger.
Ai kritikoi ashpër qeverinë ruse për pushtimin, duke thënë se ata “gënjyen jo vetëm qytetarët e saj, por ushtarët e saj” për arsyet e luftës.
Schwarzenegger përfshiu në mesazh dhe rusët që protestonin publikisht kundër luftës.
“Bota e ka parë trimërinë tuaj. Ne e dimë se ju keni vuajtur pasojat e guximit tuaj,” tha ai. “Ju jeni heronjtë e mi të rinj. Ju keni forcën e Yuri Petrovich Vlasov. Ju keni zemrën e vërtetë të Rusisë.”
I love the Russian people. That is why I have to tell you the truth. Please watch and share. pic.twitter.com/6gyVRhgpFV
— Arnold (@Schwarzenegger) March 17, 2022
