Deputeti demokrat, Edmond Spaho mbështeti protestat e qytetarëve që erdhën pas rritjes së çmimeve në vend, ndërsa shtoi se qeveria nuk është në krah të tyre.
Nga foltorja e Kuvendit, Spaho tha se në vendin tonë, çmimet janë si në Londër, ndërsa pagat dhe pensionet si në Zanzibar.
“Turp ti vijë kryeministrit që mashtron me faturat e energjisë elektrike. Populli shqiptar s’proteston ndaj Ukrainës. Protestojnë se janë vendi me taksa dhe çmimet më të larta, pagat më të ulëta, Rama u ofron vetëm emigrimin. Qeveria nuk është në krahun e shqiptarëve, por në krahun e oligarkëve dhe monopoleve”, tha Spaho mes të tjerash.
