Reperi i famshëm Kanye West është pezulluar nga Instagrami për 24 orë pasi ka shkelur politikat e kompanisë.
Një zëdhënës i Meta-s tha se përmbajtja nga profili i tij është fshirë pasi postimet e fundit të reperit kishin shkelur politikat e rrjetit social për gjuhën e urrejtjes, bulizmit dhe ngacmimit. Nëse 44-vjeçari vazhdon të shkelë rregullat, kompania do të ndërmarrë hapa shtesë.
Pezullimi i përkohshëm vjen pasi Kim Kardashian, pretendoi se reperi i kishte shkaktuar shqetësim emocional. Kardashian i referohej postimeve të shumta që Kanye ka publikuar në Instagram duke sulmuar të dashurin e saj të ri, Pete Davidson.
