Ditën e shtunë është thirrur një protestë kombëtare kundër rritjes së çmimeve, ndërsa ajo shënon protestën e 8 nga shoqëria civile që nga momenti kur çmimet e karburanteve dhe të produkteve të shportës.
“Na u ndez llampa. Të shtunën ora 11:00 tek sheshi Skëndërbej, marshojmë për të qëndruar përpara kryeministrisë’, thuhet në njoftimin e shpërndarë në rrjetet sociale.
Pritet që po të shtunën, të vendoset nëse protesta do të vijojë pa ndërprerje sikundër është paralajmëruar, ose jo. Në protestën e fundit Kryeministrit Edi Rama iu la afat për plotësimin e kërkesave deri më 19 mars, dhe nëse nuk reagonte, do të kërkohej largimi i tij si Kryeministër.
Ky i fundit ka zgjedhur rrugën e anatemimit të protestës dhe protestuesve, ndërsa ka deklaruar se jo 3 mijë, por 45 mijë të mblidhen poshtë zyrës së tij nuk ka ndërmend të heqë akcizën e karburanteve.
