Ish-konkurenti i “Përputhen”, Alban Dyrmishi u arrestua nga policia e Tiranës pasi akuzohej se shfrytëzonte dy vajza për prostitucion në një qendër masazhi. Më vonë, trupa gjykuese caktoi për Dyrmishin masën “arrest shtëpie”, duke e lënë të lirë.
Së fundmi, në rrjet po qarkullojnë disa foto, të cilat thuhet që i ka publikuar 29-vjeçari, ku shfaqet një bisedë e tij me pronaren e një ambienti që kishte marrë me qera. Mes tyre nuk mungojnë ofendimet. Në fund, pronarja i kërkon mos ta shqetësojë më.
Rikujtojmë se Dyrmishi kishte marrë një ambient me qira, në rrugën “Sami Frashëri” në Tiranë dhe e kishte përshtatur si qendër masazhesh ku kishte të punësuara vajza të reja.
