Policia lajmëron se ka arrestuar dy vëllezër, pasi dyshohet se kanë dashur të vrasin me thikë një 45-vjeçar.
Në pranga kanë rënë shtetasit Anxhelo Dashi 23 vjeç dhe Endrit Dashi, 26 vjeç. Ka dyshime se ata kanë dashur të vrasin Vladimir Mersinin, pas një konflikti mes taksistëve për klientët.
Njoftimi i policisë:
Tiranë
Tentuan të vrisnin me mjet prerës një 45-vjeçar, vihen në pranga dy vëllezër.
Specialistët për Hetimin e Krimeve në Komisariatin e Policisë Nr. 2 bënë arrestimin në flagrancë të shtetasve:
– A. D., 23 vjeç dhe E. D., 26 vjeç, (vëllezër), banues në Selitë, për veprat penale “Vrasja me dashje”, e kryer në bashkëpunim mbetur në tentativë dhe “Prodhimi, mbajtja, blerja, apo shitja pa leje e armëve të ftohta”.
Këta dy shtetas, gjatë një konflikti për motive të dobëta, në rrugën “Prokop Mima”, kanë tentuar të vrasin me mjet prerës shtetasin V. M., 45 vjeç, banues në Selitë.
Në cilësinë e provës materiale u sekuestrua mjeti prerës (thika).
Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme.
