Disa qindra qytetarë po zhvillojnë protestën para Kryeministrisë, ndërsa akuzuan Qeverinë se nuk ka reaguar lidhur me uljen e çmimeve.
Sipas tyre, ulja e çmimit të karburanteve, heqja e përkohshme e taksave dhe ligji për minimumin jetik, janë disa nga kushtet që qeveria shqiptare duhet t’i realizojë brenda ditës së shtunë.
“Kush abuzon të marrë dënimin e merituar, nuk jemi këtu që kryeministri të krijojë superborde. Vendi jonë i ka ligjet prandaj duhet që ato të funksionojnë. Vetëm qytetarët të bërë bashkë mund të kthejeni axhendën e tyre që dhe axhenda e zyrave të shtetit të jenë në të njëjtin krahë me to. Ne sot do duhet t’i japim kohë dhe njëri-tjetrit. I japim kohë kryeministrit derti ditën e shtunë’, u shpreh aktivisti Mirgen Qiraxhi.
Ndërkohë që avokati Adriatik Lapaj ka renditur të gjitha kërkesat e qytetarëve.
“Këto janë kërkesa të cilat janë dakordësuar me grupe të ndryshme të interesit. Janë kërkesa që përfshijnë sa më shumë qytetarë.
Kërkesa numër një është ulja e qëndrueshme e karburanteve me vendet e rajonit.
Masa për uljen e bazës fiaskale dhe përballimin e marzhit të fitimit. Pezullim i taksës së qarkullimit dhe asaj të karbonit.
Zerimi i përkohshëm i taksës së shportës.
Përcaktim i përkohshëm i marzhit të fitimeve në industrinë e hidrokarbureve.
Masa për mirëfunksionimin e tregut.
Pezullim i përkohshëm i koncensionit të markimit, i koncensionit të pompave, që ndikojnë në rritje e çmimit të naftës.
Mbikëqyrje dhe raportim periodik i AK çdo 3 muaj për të gjithë operatorët ekonomikë.
Rishikimi i buxhetit të shtetit për vitin 20022, për shkurtimin e buxhetit të luksit.
Krijimin e një kompanie të naftë për konkurrimin në treg në fushën e karburanteve.
Masa mbështetëse dhe funksionimi.
Përcaktimi me ligj i minimumit jetik.
Barazim i pensioneve të pjesshme i minimumi ty jetik.
Zgjerim i kompensimit dhe mbështetjes për fermerët”, tha Lapaj.
